Detaje të reja: Një i vdekur e një i lënduᴀr rëndë në ᴀksident

Një aksident me fatalitet ka ndodhur para një ore, në autostradën “Dr. Ibrahim Rugova”, në dalje-Prizren Jug, ku si pasojë një person ka humbur jetën, ndërsa një tjetër ka pësuar lëndime të rënda.

Rastin për Gazetën Infokus e ka konfirmuar zëdhënësi për Rajonin e Prizrenit, Daut Hoxha, ai tha se njësitë policore kanë dalë në vendin e ngjarjes, duke mos u ditur ende shkaqet që kanë sjellë deri tek aksidenti.

“Njësitë policore menjëherë kanë dalë në vendin e ngjarjes, ku është konstatuar se një person ka humbur jetën dhe një tjetër ka pësuar lëndime të rënda. Rasti është duke u hetuar nga njësitet kompetente policore”, ka thënë ai.

Policia ka apeluar tek drejtuesit e automjeteve që të jenë të kujdesshëm gjatë vozitjes, pasi rastet e humbjes së jetëve njerëzore si pasojë e aksidenteve rrugore po bëhen gjithnjë e më shqetësuese.

“Edhe nje here kerkojme nga drejtuesit e automjeteve te jene te kujdesshem gjate vozitjes sepse rastet e humbjes se jeteve njerzore po behen teper shqetsuse si pasoje e aksidenteve rrugore” tha Hoxha./GazetaInfokus