I dyshuari për dhᴜɴimin e 11-vjeçares në tualet publik, në parabᴜrgim

Sipas njoftimit të Gjykatës, i pandehuri dyshohet se në fund të muajit janar dhe fillim të muajit shkurt 2025, në mënyrë të vazhdueshme, në një rrugë të Ferizajt, në tualetin publik të një ndërtese afër lokalit “T.” (pronë e të pandehurit), ka detyruar të miturën 11-vjeçare të kryejë akt seksual pa pëlqimin e saj.

Në njoftim thuhet se i pandehuri e kishte marrë të miturën në lokalin e tij ku shiste cigare dhe gjëra ushqimore, dhe më pas e kishte dërguar në tualetin publik ku kishte kryer aktin seksual.

Sipas të dëmtuarës, rasti i njëjtë kishte ndodhur edhe një herë tjetër para disa ditëve.

Gjyqtari i procedurës paraprake ka aprovuar kërkesën e prokurorit të shtetit për caktimin e masës së paraburgimit kundër të pandehurit, dhe i njëjti është në paraburgim për një muaj.

Palët janë njoftuar se ankesa kundër këtij aktvendimi nuk e shtyn ekzekutimin e tij.