KQZ: Procesi i numërimit të votave për kandidatë ka përfunduar në 14 komuna

Komisioni Qendror i Zgjedhjeve ka njoftuar se ka përfunduar procesi i numërimit të votave në14 Qendrat Komunale të Numërimit, në komunat: Deçan, Kamenicë, Novobërdë, Obiliq, Shtërpcë, Suharekë, Viti, Junik, Mamushë, Hani i Elezit, Ranillug, Partesh, Kllokot dhe Mitrovicë e Veriut.

Sipas njoftimit të KQZ-së, deri më 16 shkurt 2025, ora 16:00, janë numëruar 63.60% e vendvotimeve apo 1,611 nga 2,533.

“Më 16 shkurt, në orë 16:00, procesi i numërimit ka filluar edhe në QKN-në e komunave Leposaviq, Zveçan dhe Zubin Potok”, thuhet në njoftim.

Ndërsa, në përgjithësi procesi i numërimit është duke vazhduar në 24 Qendra Komunale të Numërimit./IndeksOnline/