LAJMI I FUNDIT: A do të kalojë në VV deputetja e PDK-së

Ditët e fundit në portale kanë qarkulluar lajme që Arbnora Salihu do të kalojë në VV.

Këtë gjë e ka mohuar vetë Salihu me anë të një postimi në facebook.

Më poshtë postimi i saj:

REAGIM:

Emri im qenka lakuar pa të drejtë morale e as ligjore! Unë jam Arbnora Salihu, vajzë e rritur me parime të atdhedashurisë, krenare për babain tim, luftëtar të lirisë, për shokët e liderët e luftës së UÇK-së. Angazhimi im politik si anëtare e Kuvendit Komunal të Ferizajt, po ashtu si kryetare e rinisë së PDK-së dhe së fundmi edhe si kandidate për deputete, ka qenë dhe do të mbetet me PDK-në. Besnikëria ime as nuk shitet, as nuk blihet. Si e vogël PDK, gjithmonë PDK!

Këto portale nuk janë treguar aspak profesionale, nuk kanë kontaktuar me mua paraprakisht dhe kanë shpifur mbi emrin tim, kjo është e patolerueshme. Kërkoj nga këto portale të fshijnë postimet dhe të kërkojnë falje publikisht për gabimin, ose do të ngre padi.