Francë: 18-vjeçarja hedh nga dritarja e hotelit foshnjën pasi e solli në jetë

Një ngjarje tragjike ka ndodhur në një hotel në Paris, ku një foshnjë e porsalindur humbi jetën.

Sipas mediave të huaja, nëna e tij, një turiste 18-vjeçare amerikane, e hodhi nga dritarja e dhomës, pak çaste pasi e lindi.

Sipas autoriteteve, nëna 18-vjeçare, e cila po udhëtonte me një grup të rinjsh në Evropë, dyshohet se e ka hedhur të porsalindurin nga kati i dytë i një hoteli, ndërkohë që kishte ende të lidhur kordonin e kërthizës.

Shërbimet e urgjencës kanë mbërritur menjëherë në vendngjarje dhe e kanë dërguar foshnjën në spital. Megjithatë, fëmija nuk ia doli për shkak të plagëve të marra.