Aksident me të vdekur
Një aksident trafiku me fatalitet ka ndodhur sot në fshatin Llazicë të Malishevës.
Lajmin e ka konfirmuar për Radio Dukagjini zëdhënësi i policisë për rajonin e Gjakovës, Sheremet Elezaj.
“Rreth orës 12:55 jemi njoftuar për një aksident trafiku në fshatin Llazicë, Malishevë, në rrugën Prishtinë-Pejë. Policia ka dalë në vendin e ngjarjes, ku dyshohet se drejtuesi i një automjeti ka humbur kontrollin dhe është vetë-aksidentuar,” ka thënë Elezaj.
Ai shtoi se vdekjen e shoferit e ka konstatuar ekipi mjekësor.
“Si pasojë, ngasësi, një mashkull i moshës madhore, ka humbur jetën, ndërsa vdekja e tij është konstatuar nga ekipi mjekësor. Me vendim të prokurorit të shtetit, trupi i pajetë i viktimës dërgohet në IML,” ka thënë Elezaj.
