Kurti: Epopeja e UÇK-së i dha një hov të pandalshëm kryengritjes së armatosur dhe luftës çlirimtare

Kryeministri Albin Kurti ka shtuar se lufta e Jasharëve i dha hov të pandalshëm luftës për çlirim.

“Epopeja e UÇK-së i dha një hov të pandalshëm kryengritjes së armatosur dhe luftës çlirimtare, shpërthyen demonstrata gjithëpopullore dhe solidaritet ndërmjet shqiptarëve e njëkohësisht u vetëdijesua publiku ndërkombëtar dhe diplomacia botërore”.

“Ata nuk i kemi më fizikisht, por ata kanë vetëm ditëlindje ndërkaq rënia e tyre është Epopeja e UÇK-së. Ndonëse nuk e kemi kryekomandantin, bacën Shaban e Hamzën, e kemi bacën Rifat që do ta vizitojmë, me shtëpinë plot nipa e mbesa dhe mbi të gjitha e kemi Kosovën republikë”, ka thënë Kurti në Prekaz, pas homazheve që bëri me presidenten Vjosa Osmani dhe kryekuvendarin Glauk Konjufca.