Dr.Shefqet Krasniqi promovon librin e tij të ri
Dr.Shefqet Krasniqi ka promovuar librin e tij të ri, të quajtur “Historitë e Pejgamberëve në Kuran”.
Më poshtë postimi i Dr.Shefqet Krasniqit:
Falënderimi dhe lavdia i takojnë vetëm Allahut, i Cili më mundësoi të përfundoj dhe të promovoj librin tim më të ri: “HISTORITË E PEJGAMBERËVE NË KUR’AN”.
Dje, më 8 Mars 2025, patëm një promovim të jashtëzakonshëm, ku u bashkuan dashamirës të dijes dhe fjalës së Allahut nga Kosova, trojet shqiptare dhe diaspora.
Një falënderim i veçantë për panelistët e nderuar Dr. Rasim Haxha dhe Dr. Blerim Veliu, të cilët me analizat dhe komentet e tyre të vlefshme pasuruan këtë ngjarje dhe ndihmuan në thellimin e mesazhit të librit.
Falënderoj nga zemra të gjithë pjesëmarrësit, duke filluar nga përfaqësues të qeverisë, deputetë, akademikë, studiues dhe personalitete nga fusha të ndryshme, të cilët me praninë e tyre e bënë këtë promovim edhe më të rëndësishëm. Prania juaj, mbi 520 pjesëmarrës dëshmoi se rrëfimet e pejgamberëve në Kur’an mbeten burim i pashtershëm frymëzimi për çdo brez.
Lus Allahun t’ju shpërblejë të gjithëve me të mira në dynja dhe ahiret!
Me respekt,
Dr.Shefqet Krasniqi
