Ekskluzive: Këta janë dy hajnat e arrestuar për vjedhje nëpër disa xhami

Siguria publike në Kosovë po cenohet nga krime të natyrave të ndryshme, e sidomos nga vjedhjet. Ky fenomen mjaft shqetësues, po shkakton pasiguri e humbje të mëdha. Hajnat, herë të vetëm e herë në grup arrijnë të bëjnë kërdi në biznese, shtëpi, objekte fetare e në lokale të ndryshme, raporton Gazeta Sinjali.

Për disa raste të vjedhjeve që kanë ndodhur në disa xhami në fshatrat e Lipjanit, Policia ka arritur që të arrestojë dy persona të dyshuar.

Sinjali ka mësuar ekskluzivisht se bëhet fjalë për Jeton Hashanin dhe Liridon Kamenicën, të cilët kanë përfunduar në ndalim policor.

Në bazë të informacioneve të para, ata dyshohen  për vjedhje në xhamitë në fshatin Krojmir, Banulle dhe Magure, raste këto që kanë ndodhur në periudha të ndryshme.

Ndaj të dyshuarve, tashmë janë grumbulluar prova të mjaftueshme që dëshmojnë përfshirjen e tyre në këto raste.

Lajmi për arrestimin e tyre është konfirmuar edhe nga Policia e Kosovës.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.