Vendoset gurthemeli për ndërtimin e Xhamisë në Podujevë

Postimi i Shpejtim Bulliqit:

Në këtë muaj të shenjtë të Ramazanit, bashkë me zyrtarë të Këshillit të Bashkësisë Islame në Podujevë dhe zyrtarë të Fondacionit “Shqiptarët për Shqiptarët” e vumë gurthemelin për ndërtimin e xhamisë në Lagjen “Shqiptarët për Shqiptarët”.

Falënderoj familjen Stublla e cila e ka dhuruar pronën për ndërtimin e kësaj xhamie dhe Fondacionin “Shqiptarët për Shqiptarët” në krye me hoxhën e nderuar, Elvis Naçi të cilët financojnë ndërtimin e saj.

Falënderoj edhe përfaqësuesit për Kosovë të këtij fondacioni, Sylejman Rrahmani dhe Lulzim Rama për bashkëpunimin e mirë që kemi pas që prej kur kishte filluar ndërtimi i Lagjes “Shqiptarët për Shqiptarët”.

Urime banorëve të lagjes dhe të gjithë komunitetit musliman!