Ky është 45-vjeçari që e goditi me shuplaka gruan e tij

Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhune psikike e fizike nga bashkëshortët e tyre, por edhe anëtarët tjerë të familjes, raporton Gazeta Sinjali.

Një rast i tillë ka ndodhur sot në orët e para të mëngjesit në rrugën “Ali Ibra” në Gjakovë, ku një grua është sulmuar fizikisht nga burri i saj, i cili më pas ka ikur nga vendi i ngjarjes.

Sipas mëson ekskluzivisht se i dyshuari në lidhje me këtë rast është Ali Mangjuka(rreth 45-vjeçar), i cili dyshohet se e ka goditur me shuplaka bashkëshorten e tij rreth 37-vjeçare, duke i shkaktuar lëndime trupore.

Pas sulmit, viktima ka kërkuar ndihmë mjekësore, ndërsa ekipet e Policisë kanë dalë menjëherë në vendngjarje.

Burimet e Sinjalit kanë bërë me dije se viktima ka refuzuar të strehohet në një qendër për viktimat e dhunës dhe është kthyer në shtëpi, për t’u kujdesur për fëmijët e saj.

Në lidhje me rastin është njoftuar edhe Prokurori, me urdhër të të cilit rasti është cilësuar si “Dhunë në familje”.

Sinjali do t’iu mbajë të informuar për zhvillimet e reja rreth këtij rasti.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.