Certifikohen rezultatet, Albin Kurti: Jemi Qeveri në detyrë

Sot janë certifikuar rezultatet përfundimtare nga KQZ për zgjedhjet parlamentare të Kosovës që u mbajtën me 9 shkurt.

Me 9 vota për dhe 2 kundër, janë certifikuar këto rezultate.E para nga këto zgjedhje, ka dal Lëvizja Vetëvendosje me 42.30%. E dyta është PDK me 20.9%, pastaj LDK me 18.27% dhe AAK me 7.06%.

Pas tyre vjen Lista Serbe me 4.6%.Certifikimi i zgjedhjeve ka ardhur pas një vonese prej po thuajse dy muaj.

Pas kësaj kryeministri, Albin Kurti ka sqaruar qytetarët se qeveria aktuale kalon në fazën kalimtare dhe si e tillë është qeveri në detyrë.

“Me 23 mars 2025, mandati i plotë katërvjeçar i Qeverisë së Republikës së Kosovës, të udhëhequr nga unë si Kryeministër, përfundoi zyrtarisht dhe kaloi në fazën kalimtare të funksionimit si qeveri në detyrë, e cila efektivisht është sikur qeveria në dorëheqje e mandateve të mëhershme të të tjerëve. Kjo është hera e parë që një Qeveri e Republikës së Kosovës ka përfunduar me sukses mandatin e plotë kushtetues, duke shënuar një kapitull të ri të stabilitetit institucional në Republikën tonë demokratike.”, ka shkruar Kurti.