“Nëse nuk je me mua…”

Shpesh herë burrat e kanë të vështirë të pranojnë ndarjen nga partneret e tyre. Ata nuk zgjedhin formë për të provuar që të kthehen sërish bashkë, e madje nuk i kursejnë as kërcënimet e shantazhet ndaj tyre, raporton Gazeta Sinjali.

Një grua nga Prishtina ka raportuar së fundmi në Polici se është kërcënuar me jetë nga ish-i dashuri i saj.

Sipas burimeve të Sinjalit, viktima e ka denoncuar ish-partnerin e saj, duke deklaruar se pas refuzimit për të vazhduar lidhjen, ai ka filluar ta kërcënojë seriozisht.

Sipas deklaratës së viktimës, rasti i fundit ka ndodhur më 13 mars 2025, teksa ndodheshin në një veturë së bashku, ku i dyshuari e ka kanosur me jetë.

Për momentin, i dyshuari nuk është intervistuar, ndërsa rasti është proceduar në koordinim me prokurorin, i cili ka udhëzuar që të iniciohet rasti si “Kanosje”.