Hapet aplikimi për programin për pagesa direkte

Ministria e Bujqësisë, Pylltarisë dhe Zhvillimit Rural e ka hapur thirrjen për aplikim për programin për pagesa direkte. Në një njoftim të Ministrit, Faton Peci, thuhet se thirrja për aplikim do të jetë e hapur nga data 03.04.2025 deri më 02.05.2024 në orën 16:00 (30 ditë kalendarike).

“Duke përdorur ortofotot më të fundit të vitit 2024, kemi sjellë përmirësime të mëdha në digjitalizimin e parcelave dhe kontrollin në terren. Ky ndryshim do të lehtësojë edhe më shumë aplikimin për subvencione dhe do të sigurojë me saktësi gjendjen në terren. Për më shumë informata, lidhur me procedurat e aplikimit për pagesa direkte, kriteret e vlerësimit fermerët mund të informohen në detaje në web faqen e MBPZhR-së, www.mbpzhr.rks-gov.net dhe në web faqen e AZhB-së, www.azhb-ks.net, si dhe në Drejtoritë Komunale për Bujqësi”, ka njoftuar Ministri Peci.

Aplikimi për pagesa direkte bëhet në objektin e komunës së vjetër, kati i parë, në zyret nr. 18 dhe 19.