Anisa Veseli realizon operacionin, ndan pamje nga spitali

Ish-banorja e Big Brother Vip Kosova, Anisa Veseli ka njoftuar përmes rrjeteve sociale se i është nënshtruar operacionit për skoliozën, shkruan Gazeta Sinjali.

Në rrjetin social “Instagram”, ajo ka publikuar fotografi nga shtrati i spitalit, duke shkruar se e ka kaluar me sukses këtë sfidë të madhe shëndetësore.

“Një rrugëtim force dhe durimi,” shkruan Anisa, duke rrëfyer se operacioni ka qenë një sfidë e gjatë, e mbushur me pritje dhe vështirësi, por mbi të gjitha me besim dhe vendosmëri për t’ia dalë. Ajo theksoi se nuk ka qenë e lehtë të përballej me dhimbjet dhe pasiguritë, por mbështetja e familjes dhe miqve e ka ndihmuar të kalojë këtë periudhë sfiduese.

“Jini të fortë, keni durim dhe besoni në veten tuaj. Sado e vështirë të duket rruga, mos harroni se brenda jush ekziston një forcë e jashtëzakonshme për të përballuar gjithçka!”.

Postimi i plotë:

Një Rrugëtim Force dhe Durimi

Sot dua të ndaj me ju një nga sfidat më të mëdha që kam kaluar në jetën time—ndërhyrjen për skoliozën. Ishte një rrugë e gjatë, e mbushur me pritje, sfida dhe prova, por mbi të gjitha, me forcën dhe besimin se do t’ia dilja.

Nuk ishte e lehtë të përballesha me dhimbjet, me pasiguritë dhe me pritjen derisa të realizoja këtë ndërhyrje. Por nuk u dorëzova. Me durim, me besim dhe me mbështetjen e atyre që më duan, gjeta fuqinë për të bërë gjithçka që ishte e nevojshme për ta bërë realitet këtë hap kaq të rëndësishëm për shëndetin dhe jetën time.

Për të gjithë ju që më keni qëndruar pranë, më keni mbështetur dhe më keni dhënë forcë me fjalët dhe dashurinë tuaj—faleminderit nga zemra! Ju jeni pjesë e këtij triumfi, dhe e di që pa ju, kjo rrugë do të kishte qenë shumë më e vështirë.

Për këdo që po përballet me sfida të mëdha, dua t’ju them: jini të fortë, keni durim dhe besoni në veten tuaj. Sado e vështirë të duket rruga, mos harroni se brenda jush ekziston një forcë e jashtëzakonshme për ta përballuar gjithçka!

Unë ia dola – dhe ju do t’ia dilni! ❤️

Falenderoj nga zemra @shoqjaedone @piranjatofficial
Që më besuan dhe më qëndruan afër këto momente