Sot protestohet në Prishtinë kundër shtrenjtimit të energjisë elektrike

Shtrenjtimi i energjisë elektrike po vazhdon të ngjallë reagime të ashpra në vend. Zyra e Rregullatorit për Energji (ZRRE) ka paralajmëruar një rritje prej 15% të çmimit të rrymës, gjë që ka nxitur organizimin e një proteste nga qytetarët në Prishtinë, shkruan Gazeta Sinjali.

Protesta do të mbahet sot dhe është thirrur nga grupi “Asnjë cent më shumë”, përmes të cilit organizatori Luan Hasanaj ka bërë thirrje për pjesëmarrje masive të qytetarëve.

Ai ka theksuar se rritja e çmimit të energjisë nuk përbën barrë vetëm për qytetarët, por godet rëndë edhe bizneset, duke ndikuar në rritjen e kostove të operimit dhe duke rrezikuar qëndrueshmërinë e aktiviteteve ekonomike.