E dhimbshme: Xheneta Ejupi është 26 vjeçarja që vdiq pasi ra nga lartësia

Një 26 vjeçare, ka vdekur sot pasi ka rënë nga një objekt në lagjen Lakrishtë të Prishtinës në rrethana ende të dyshimta.

GazetaDemos mëson se vajza që mbeti e vdekur është Xheneta Ejupi.

Rastin për Demos ka konfirmuar edhe zëdhënësja e policisë për rajonin e Prishtinës, Flora Ahmeti.

“Rreth orës 16:00,kemi pranuar informatën se një person (femër) ka rënë nga një objekt në lagjen Lakrishtë, në Prishtinë dhe e njëjta ka vdekur. Vdekjen e viktimës e ka konstatuar ekipi mjekësor në vend ngjarje. Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit”, tha Ahmeti.