21 vjeçari përfundon në pranga pasi kërcënoi babain dhe ish-gruan

Nuk janë të rralla rastet kur qytetarët e Kosovës përfundojnë në pranga pasi shkelin urdhrat apo vendimet e caktuara nga Gjykata.

Një rast i tillë ka ndodhur së fundmi në Lipjan, ku një 21-vjeçar është arrestuar nga Policia, pasi ka kërcënuar babain dhe ish-gruan e tij, gjë e cila është kundër vendimit të Gjykatës, raporton Gazeta Sinjali.

Burimet e Sinjali bëjnë me dije se 21-vjeçari nga fshati Ribar i Madh, dyshohet se përmes komunikimit në rrjete sociale, ka kërcënuar babain e tij dhe ish-bashkëshorten e tij, duke mosrespektuar vendimin e lëshuar nga Gjykata, paraprakisht.

I dyshuari pas arrestimit është intervistuar në stacionin policor, ndërsa me vendim të Prokurorit i është caktuar masa e ndalimit për 48-orë.

21-vjeçari është dërguar në Qendrën e Mbajtjes në Lipjan, ndërsa rasti është inicuar si “Mospërfillje e Gjykatës”.

Hetimet për zbardhjen e plotë të rastit janë duke vazhduar.