Vendoset gurthemeli për ndërtimin e çerdhes në Gllamnik

Postimi i Shpejtim Bulliqit:

Sot, bashkë me ministren e Arsimit, Shkencës, Teknologjisë dhe Inovacionit Arbërie Nagavci, nënkryetaren e Kuvendit Saranda Bogujevci, nënkryetaren e Komunës Marigona Lahu, drejtorin e Arsimit Avni Fetahu si dhe përfaqësues nga niveli qendror e lokal, vendosëm gurthemelin për ndërtimin e çerdhes së re në Gllamnik.

Objekti do të ketë një sipërfaqe prej 886.36 m², me kapacitet për 80 fëmijë. Vlera e investimit është 688,800.00 euro, kurse afati për realizimin e projektit është 15 muaj.

Kjo është çerdhja e tretë me radhë që po investohet nga MASHTI në Podujevë dhe e shtata që nga ardhja jonë në udhëheqje të komunës. Po vazhdojmë me investime në përmirësimin e kushteve për edukimin dhe përkujdesjen e hershme të fëmijëve.

E gëzofshin këtë projekt të vegjlit e Gllamnikut dhe fshatrave përreth!