Kanoset zyrtarja policore nga bashkëshorti i saj

Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës. Shpesh herë pakënaqësitë e tyre kalojnë në kërcënime, duke ua vështirësuar kështu punën e madje duke ua kërcënuar edhe jetën, raporton Gazeta Sinjali.

Një rast i tillë ka ndodhur edhe në fshatin Zupq të Zubin Potokut, ku një burrë e ka kanosur bashkëshorën e tij, zyrtare policore.

Gazeta Sinjali mëson ekskluzivisht se i dyshuari është Sasa Radivojeviq, rreth 35 vjeçar.

Siç merr vesh Sinjali, viktima – zyrtare policore, ka telefonuar për të raportuar se është duke u përballur me dhunë nga bashkëshorti i saj, rreth 35-vjeçar.

Pas denoncimit, në vendin e ngjarjes kanë intervenuar dy njësi policore nga Stacioni Policor në Zubin Potok, të cilat e kanë shoqëruar të dyshuarin në stacion.

Ai është nënshtruar edhe testit të alkoolit, ku rezultati ka dalë 0.70 promil.

Pas përfshirjes së Koordinatores për dhunë në familje të DRP Mitrovicë Veriore dhe konsultimit me Prokurorin e Shtetit, rasti është cilësuar si “Kanosje”.

Po ashtu ai është dërguar në mbajtje për 48 orë.