Vinicius mund të suspendohet për dy vjet nga futbolli
Real Madrid's Vinicius Junior wipes his face during the Champions League quarterfinals second leg soccer match between Real Madrid and Arsenal at the Santiago Bernabeu stadium in Madrid, Wednesday, April 16, 2025. (AP Photo/Manu Fernandez)
Superylli i Real Madridit, Vinicius Junior, po hetohet për një shkelje të madhe të Kodit të Etikës së FIFA-s, dhe ai mund të përballet me një ndalesë dy-vjeçare nga futbolli.
Nuk ka dyshim se vitet e fundit, Vinicius Jr është kthyer në një nga futbollistët më të mirë në botë, duke bërë rregullisht paraqitje elitare për Real Madridin, raporton “sportbible”, transmeton Klankosova.tv.
Që nga bashkimi me gjigantët e La Ligës nga klubi brazilian Flamengo në 2018, anësori ka 14 trofe të fituar, duke përfshirë Ligën e Kampionëve dy herë dhe tre tituj të La Ligës.
Megjithatë, Real Madridi mund të duhet të përgatitet për mundësinë e jetës pa sulmuesin brazilian, pasi ai raportohet se është nën hetim për shkeljen e një rregulli të FIFA-s që mund ta dënojë atë me një pezullim prej dy vitesh.
Në të gjitha garat këtë sezon, Vinicius ka shënuar 21 gola dhe ka dhënë 15 asistime në 47 ndeshje, duke u dëshmuar si një pjesë e paçmuar e formacionit sulmues të Carlo Ancelottit.
Pezullimin e mundshëm të Vinicius e ka raportuar gazetari Gianluca Di Marzio.
Akuza ndaj tij ka të bëjë me përfshirje në blerjen e disa klubeve profesionale të futbollit përmes kompanisë ALL Agenciamento Esportivo, e cila menaxhohet nga babai i tij dhe agjenti i tij.
Ankesa është ngritur nga klubi brazilian Tiberis Holding do Brasil, i cili i ka kërkuar Dhomës Hetuese të Komitetit të Etikës të FIFA-s që t’i japë Viniciusit një dënim deri në dy vjet.
Ata vendosën ta ngrenë këtë ankesë pasi skuadra braziliane Athletic Club nga São João del Rei, një klub në të cilin Tiberis mbante 16.5% të aksioneve, u promovua në Serie B.
Pas promovimit, pronari i Tiveris, Willy Francese planifikoi të ushtronte të drejtën e tij të refuzimit të parë për të blerë pjesën më të madhe të Athletic Club.
Megjithatë, aksionet në fakt u shitën drejtpërdrejt te ALL, kompania e lidhur me Vinicius, duke bërë që gjykata tregtare e Sao Paulos të pezullojë marrëveshjen për të hetuar.
Por ndërsa hetimet janë duke u zhvilluar, ALL mori kontrollin operacional të klubit, duke zemëruar Tiberisin.
Sipas Tiberis, kjo shkel nenin 20 të Kodit të Etikës të FIFA-s dhe nenin 22 të Kodit të Drejtësisë Sportive të Federatës Spanjolle, të cilët ndalojnë futbollistët aktivë të zotërojnë, drejtpërdrejt ose tërthorazi, klube futbolli profesioniste. /Klankosova.tv
