Kjo është pasuria e deklaruar nga Albulena Haxhiu, pagë vjetore mbi 22 mijë euro

Ministrja në detyrë e Drejtësisë, Albulena Haxhiu, e ka deklaruar pasurinë në Agjencinë për Parandalimin e Korrupsionit, të dhëna këto që janë publikuar sot.

Sipas APK-së, Haxhiu ka deklaruar një banesë prej 82 m², me vlerë 60 mijë euro, në pronësi të bashkëshortit të saj, si dhe një tokë prej 6 ari, të trashëguar, me vlerë 15 mijë euro.

Ajo ka deklaruar gjithashtu një veturë të markës Seat, me vlerë 9,700 euro, të blerë përmes një huaje dhe nga shitja e veturës së vjetër.

Në pjesën e të ardhurave vjetore, Haxhiu ka deklaruar 22,540 euro nga Ministria e Drejtësisë, 760 euro nga meditjet dhe 960 euro nga shtesat.