Ky është personi (EMRI)

Gazeta Sinjali sjell detaje tronditëse nga një rast i rëndë që ndodhi sot në Malishevë, ku një vajzë 28-vjeçare ka denoncuar të dashurin e saj për kërcënim, grabitje dhe dhunim seksual.

Sipas burimeve të sigurta të Sinjalit, i dyshuari është identifikuar si Etrit Jashari, 31-vjeçar nga Gjilani, i cili akuzohet se sot rreth orës 12:00, në ambientet e Motel Tini në Malishevë, ka ushtruar dhunë ndaj të dashurës së tij, E.M 28 vjeçare.

Viktima ka deklaruar para hetuesve se pasi kishin filluar një debat verbal, Jashari i ka marrë me forcë dy zinxhirë ari nga qafa, e ka kërcënuar me jetën e familjarëve të saj dhe më pas ka kryer marrëdhënie seksuale pa dëshirën e saj.

Pas incidentit, viktima ka kërkuar ndihmë dhe është paraqitur në Stacionin Policor në Malishevë, ku është intervistuar dhe ka marrë trajtim mjekësor. Hetuesit kanë dalë në vendin e ngjarjes për të siguruar provat.

Aktualisht, Etrit Jashari ndodhet në arrati, ndërsa Policia është në ndjekje të tij. Lidhur me rastin, është njoftuar prokurori kujdestar, i cili ka urdhëruar inicimin e procedurës penale për veprën “Dhunim”, si dhe për kërcënim dhe grabitje.

Gazeta Sinjali fton këdo që ka informacione lidhur me vendndodhjen e të dyshuarit Etrit Jashari, të bashkëpunojë me autoritetet ligjzbatuese për ta bërë të mundur lokalizimin dhe vënien e tij para drejtësisë. Heshtja nuk mbron askënd – drejtësia fillon me guximin për të folur.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.