Arrestohet i dyshuari për sulm ndaj Belgin Jasharit, dërgohet në mbajtje

Policia e Kosovës ka arrestuar sot të dyshuarin për sulmin ndaj futbollistit të ri, 15-vjeçarit Belgin Jashari, i cili luan për ekipin e Fushë-Kosovës, raporton Gazeta Sinjali.

Sipas njoftimit të Policisë, i dyshuari, J.F., e ka sulmuar Jasharin gjatë një ndeshjeje që u zhvillua në Obiliq. Ai po dyshohet për “sulm” dhe është ndaluar për 48 orë për hetime të mëtutjeshme.

Në lidhje me këtë rast, Policia ka intervistuar më herët babanë e futbollistit, si pjesë e procedurave hetimore.

Sulmi ndaj Jasharit, që i përket komunitetit ashkali, ka shkaktuar reagime të shumta nga opinioni publik dhe ka theksuar nevojën për marrjen e masave më të rrepta për të parandaluar dhunën në sport.