‘Ia kanë shfrytëzu gjendjen psiqike, e kanë mashtru’, biznismeni blen banesë për 5 mijë euro (VIDEO)

Nga xhepi i dolën vetëm 5 mijë euro, ani pse bleu banesë prej 16 metrash katrorë.

Ky pazar u bë në Gjilan, kur një biznismen ia bleu gjysmën e banesës një 40-vjecari me çrregullime mendore.

Mentori i cili jeton i vetëm, sipas mjekëve është diagnosifikuar si person me probleme mendore.

40-vjecari para disa vitesh kishte humbur vëllaun dhe pas tij edhe nënën e babain, të cilët sipas të afërmve vdiqën nga mërzia.

Mentori për vite me radhë vazhdoi të jetonte në banesën ku kishte jetuar me prindërit që nga paslufta.

Ai nuk ishte në gjendje që të kujdesej për veten e vendin ku jeton andaj të afërmit e tij i ndihmonin.

Një ditë kur të afërmet e tij kishin shkuar për vizitë, u çuditën kur panë se kishin filluar punimet në gjysmën e banesës së Mentorit.

Nga punëtorërt e ndërtimit, kuptuan se 40-vjecari kishte bërë pazar me dikë.

Burri i hallës së Mentorit, Xhevat Sadiku i cili bashkë me të shoqen thotë se kujdesen për 40-vjecarin, për KIKS-in rrëfeu momentin kur kuptoi se banesën ia kishin blerë për vetëm 5 mijë euro.

Në një rrëfim për KIKS-in, 73-vjeçari thotë se blerësit e mashtruan mikun e tij.

Xhavati thotë se në këtë pazar që u bë, u shfrytëzua gjendja psiqike e Mentorit.

Derisa ishte duke u munduar të i bie në fije kësaj katrahure, 73-vjeçari mori edhe një informatë tjetër.

Xhevati kuptoi se Mentori kishte rezervuar një biletë për në Gjermani.

Një gjë e tillë e shqetësoi sepse atij po i lindnin edhe dyshime të tjera.

Për KIKS-in, 73-vjeçari thotë se po dyshon që blerësit e banesës po mundohen të e dërgojnë Mentorin në Gjermani, në mënyrë që t’ia marrin edhe pjesën tjetër të banesës.

Për KIKS-in, Xhevati thotë se u mundua që ta lajmërojë rastin në Polici e Prokurori, mirëpo meqenëse nuk ishte kujdestar ligjor i Mentorit, ata nuk hapën rast.

Madje 73-vjecari paralajmëron edhe protestë në rast se institucionet nuk ndërmarrin ndonjë hap.