Arrestohet i dyshuari i dytë për rastin e dhunimit të 14-vjeçares

Policia e Kosovës ka njoftuar për arrestimin e personit të dytë të dyshuar në lidhje me rastin e dhunimit të një vajze 14-vjeçare në Gjakovë.

Zëdhënësi i Policisë për rajonin e Gjakovës, Sheremet Elezaj, ka konfirmuar se i dyshuari, një mashkull i moshës madhore, është ndaluar sot, më 28 prill 2025, si pjesë e hetimeve që po zhvillohen për rastin e raportuar më 23 prill. Me vendim të prokurorit të shtetit, i arrestuari është dërguar në mbajtje.

Hetimet për këtë rast të rëndë po vazhdojnë nën drejtimin e institucioneve të drejtësisë.