Podujevë: Pensionohet arsimtarja Afërdita Dibrani – Çitaku

Sot është pensionuar arsimtarja, Afërdita Dibrani – Çitaku.

Më poshtë postimi i SHFMU “Shaban Shala” – Podujevë:

Pensionohet arsimtarja

Sot, në ambientet e SHFMU “Shaban Shala” në Podujevë, kemi përcjellë në pension arsimtaren e nderuar znj. Afërdita Dibrani-Çitaku, e cila për 40 vite me radhë ka dhënë kontribut të çmuar në fushën e arsimit. Me përkushtimin dhe profesionalizmin e saj, ajo ka lënë gjurmë të pashlyeshme në edukimin e shumë brezave.

Në emër të shkollës sonë, i ndamë një mirënjohje simbolike në shenjë falënderimi për punën e saj të palodhshme dhe ndikimin pozitiv që ka pasur në këtë shkollë. Ngjarja u përcoll me një koktej rasti, ku kolegë, nxënës dhe miq të saj i uruan shëndet, qetësi dhe mbarësi në këtë etapë të re të jetës.