Rrëfimi emocionues i radiologes

Doktoresha Kreshnike Dedushi – Hoti, specialiste e Radiologjisë, ishte e ftuar në emisionin Health Matters të Gazetës Nacionale.

Në një pjesë të intervistës, ajo ndan me ne edhe rrëfimin për momentin kur mësoi lajmin se kishte kancer dhe si e sfidoi sëmundjen.

“Të jesh grua në Kosovë, vetë është sfiduese, sepse duhet të jesh nënë, bashkëshorte, profesioniste e mirë, ndonjëherë hallet e dertet duhet t’i lësh të gjitha dhe të përqendrohesh në punë. Nuk ka njeri që nuk sfidohet”, rrëfen doktoresha Dedushi-Hoti.

“Gjatë jetës time apo karrierës time, jamë sfiduar në aspektin shëndetësor. Në vitin 2018, në periudhën më të lumtur në jetën time, kur jam zgjedhur asistente në Fakultetin e Mjekësisë, po atë vit u diagnostifikoha me kancer të gjirit. Ishte shumë e vështirë, shumë sfiduese. Pas kimioterapisë së tretë, ka fillu me reagu dhe kam fillu me pa jetën sërish me sy. Jam trajtuar në Turqi. Sfida më e madhe ishte të jesh larg fëmijëve”, rrëfen ajo. Ia arrita t’ia dal, por është sfiduese. Në momentin kur kam filluar ta shoh që terapia po funksionin, kam fillu sërish me marrë veten me të mirë dhe me i folë vetes. Sepse në fillim, kur e kupton lajmin, natyrisht që je e lëndume. Kur mësohesh ta tejkalosh sfidën bëhesh forca e shumë njerëzve. E mua kjo sfidë më rriti, më bëri më të fortë. Ua din shumë hallin pacientëve. Më ka bë me mendu që me qenë shembulli i një gruaje të fortë. Unë nuk jam dorëzuar”, thotë ajo.