Zbardhen detaje të reja për të miturën që dyshohet se u dhuna- gjendet në një shtëpi

mitur ka alarmuar autoritetet në Prizren, ku hetimet janë në zhvillim për të zbardhur rrethanat e dyshimit për keqpërdorim seksual.

Sipas informacioneve që ka siguruar Gazeta Sinjali, më 28 prill 2025, rreth orës 00:30, në stacionin policor janë paraqitur prindërit e një të miture të moshës 14 vjeçare, të cilët kanë raportuar se vajza e tyre ishte larguar nga shtëpia në orët e pasdites dhe nuk ishte kthyer më.

Sipas deklarimeve të tyre, rreth orës 14:00 të datës 27 prill, vajza ishte larguar pa ndonjë njoftim dhe pas kërkimeve të shumta të familjarëve, nuk ishte arritur të lokalizohej, as të kontaktohej.

Menjëherë pas raportimit, është informuar hetuesi kujdestar, i cili në koordinim me Prokurorin e Shtetit ka urdhëruar inicimin e rastit si “Person i zhdukur”, dhe rasti është kaluar për trajtim nga Sektori Rajonal i Hetimeve (SRH) në Prizren.

Pas veprimeve operative, SRH ka pranuar informacion se vajza ndodhej në një shtëpi private në Lagjen e Trimave, konkretisht në rrugën “Mehmet Topalli”.

Hetuesit kanë ndërhyrë menjëherë në lokacion dhe kanë gjetur të miturën në shoqërinë e një personi madhor, për të cilin dyshohet se ka pasur marrëdhënie seksuale me viktimën gjatë kohës së mungesës.

E mitura është dërguar menjëherë në Spitalin Rajonal të Prizrenit, ku sipas raportit mjekësor nuk janë konstatuar lëndime të dukshme të jashtme, ndërsa hetimet për keqpërdorim seksual janë në proces.

Viktima dhe i dyshuari janë shoqëruar në ambientet e hetimeve të SRH Prizren, ku janë duke u trajtuar procedurat hetimore, ndërsa hetuesit kanë bërë të ditur se po punojnë në identifikimin e veprës penale përkatëse dhe në sigurimin e provave shtesë.