Yamal favoriti për ta fituar Topin e Artë

Lamine Yamal, talenti 17-vjeçar i Barcelonës dhe përfaqësues i Spanjës, po shihet gjithnjë e më shumë si favoriti kryesor për ta fituar Topin e Artë. Me paraqitjet mbresëlënëse në La Liga dhe kampionatet ndërkombëtare, Yamal ka tërhequr vëmendjen e botës së futbollit.

Pavarësisht moshës së re, ai ka treguar pjekuri të jashtëzakonshme në fushë, duke qenë vendimtar në ndeshje kyçe si për klubin ashtu edhe për kombëtaren. Driblimet, vizioni në lojë dhe qetësia përballë portës e dallojnë si një prej lojtarëve më premtues të dekadës.

Ekspertët e futbollit dhe mediat sportive tashmë e përmendin emrin e tij në mesin e pretendentëve kryesorë për çmimin më prestigjioz individual në futboll – Ballon d’Or.

Nga statistikat e publikuara, thuhet se Yamal ka 28% gjasa për ta fituar Topin e Artë.

Pas tij vjen Raphinha me 23% dhe Dembele me 16%. Top lista përfundon me Pedrin.