Thyhen xhamat e autobusit urban në Prishtinë – Gjuhet me gurë autobusi 3C, dëmi rreth 1,000 euro

Një incident vandal ka ndodhur më 03 maj 2025 në rrugën “Enver Maloku” në Prishtinë, ku një autobus i Trafikut Urban, linja 3C, është gjuajtur me gur nga persona të panjohur, duke shkaktuar dëme materiale të konsiderueshme.

Sipas informacioneve që ka siguruar Gazeta Sinjali, nga goditja janë thyer xhami i derës së parë dhe xhami i fundit në anën e djathtë të mjetit, ndërsa fatmirësisht nuk ka persona të lënduar.

Siç mëson Sinjali, dëmi i shkaktuar kap vlerën prej rreth 1,000 euro.

Rasti është raportuar edhe në Policinë e Kosovës thonë burimet nga Komuna, por nuk ka ende të dyshuar të identifikuar, ndërsa Prokurori kujdestar ka urdhëruar që rasti të iniciohet si “Asgjësim apo dëmtim i pasurisë”.

Hetimet janë në vijim.