Armend Muja për ftesën për koalicion: Uroj që z. Abdixhiku ta pranojë këtë ftesë

Sot, kryetari i Lëvizjës Vetëvendosje, Albin Kurti i ka dërguar një ftesë për koalicion të parit të Lidhjes Demokratike të Kosovës, Lumir Abdixhiku.

Për këtë letër të dërguar drejt LDK-së, ka reaguar deputeti i LVV-së, Armend Muja.

Më poshtë postimi i tij:

Kryeministri dhe kryetari i LVV-së Albin Kurti ka treguar qartësisht gatishmërinë për bashkëpunim politik në funksion të stabilitetit institucional dhe përparimit të vendit. Ky është një hap i duhur dhe i nevojshëm.

Sot qytetarët presin përgjegjësi nga partitë politike. Koalicioni LVV-LDK do të ishte në përputhje me interesin e shumicës së qytetarëve që kërkojnë stabilitet dhe zhvillim.

Uroj që z. Abdixhiku ta pranojë këtë ftesë për bisedime direkte, që do të ishin në shërbim të institucioneve dhe qytetarëve.