Lamine Yamal arrin në Milano me ”Lollypop”

Barcelona ka zbarkuar në Milano, qytet në të cilin do ta zhvillojë duelin e dytë gjysmëfinal të Ligës së Kampionëve, ndaj Interit.

Teksa skuadra po zbriste në aeroport përmes shkallëve të aeroplanit, njëri nga futbollistët më të mirë në kontinent për momentin, Lamine Yamal, u pa me një “lëpistër” në gojë, transmeton klankosova.tv.

Duke qenë se spanjolli është 17 vjeçar, kanë plasur batutat në rrjet, duke e konsideruar si “fëmijë”, adoleshentin magjik të sportit më të popullarizuar në botë.

Inter – Barcelona zhvillohet nesër në stadiumim “Giuseppe Meazza”, me fillim në orën 21:00.

Kjo super përballje transmetohet direkt në kanalin Sport 1 të platformës ArtMotion.