Kapet hajni i biçikletave dhe skuterëve elektrik
Një person është arrestuar nga Policia në Mitrovicë, nën dyshimin se ka qenë i përfshirë në disa raste të vjedhjeve dhe vjedhjeve të rënda, që kanë ndodhur në periudhën nga 17 prill deri më 1 maj 2025, raporton Gazeta Sinjali.
Sipas informatave zyrtare, arrestimi është rezultat i punës intensive hetimore dhe provave të siguruara, të cilat lidhen me rastet ku cak i vjedhjeve ishin biçikleta dhe skuterë elektrikë.
Gjatë kontrollit, janë konfiskuar disa prova materiale, të cilat janë kthyer pronarëve legjitimë, ndërsa për rastet tjera hetimet janë në vazhdim me qëllim të identifikimit të pasurisë së vjedhur.
Me vendim të prokurorit të rastit, ndaj të dyshuarit është caktuar masa e ndalimit policor për 48 orë, ndërkohë që hetimet për përfshirjen e tij në raste të tjera po vazhdojnë.
