Gjendet një kufomë e mbështjellë me batanije në varrezat në Mitrovicë

Nuk janë të rralla rastet kur qytetarët e Kosovës gjejnë mbetje mortore, nëpër pjesë të ndryshme të fshatrave gjithandej vendit. Një rast i tillë ka ndodhur edhe në fshatin Zaberxhë të Mitrovicës, raporton Gazeta Sinjali. 

Sinjali mëson se një varrmihës teksa po gërmonte për një varr të ri në varrezat e fshatit, ka hasur në një kufomë e cila ishte e mbështjellë me një batanije.

Njësitë policore kanë dalë në vendin e ngjarjes ku kanë intervistuar dëshmitarët dhe vëllain e viktimës. Mbetjet mortore janë dërguar në Institutin e Mjekësisë Ligjore për ekzaminime të mëtejshme.