Përleshje në shkollë, punëtori godet kolegun grusht

Një incident i rëndë ka ndodhur mëngjesin e sotëm në shkollën fillore “Gjergj Fishta” në Prishtinë, ku dy punëtorë të stafit ndihmës janë përfshirë në një përleshje fizike pas një mosmarrëveshjeje të brendshme,.

Gazeta Sinjali ka mësuar nga burime brenda stafit të shkollës se sot pas një debati për orarin e punës, njëri nga punonjësit, Sulejman Hasani, 53 vjeçar e ka sulmuar fizikisht kolegun e tij, Ilmi Buzoku, 55 vjeçar, duke e goditur në pjesë të ndryshme.

Ngjarja është parë nga një punëtore tjetër e shkollës, e cila ka konfirmuar se Hasani e ka goditur disa herë Buzokun me grusht.

Pas përleshjes, të dy janë larguar nga ambientet e shkollës, ndërkohë që për njërin prej tyre është kërkuar ndihmë mjekësore në shkallë urgjente.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.