LDK dorëzon kërkesën në ZRrE – kundërshton rritjen e çmimit të rrymës
Sot është dorëzuar zyrtarisht në Zyrën e Rregullatorit për Energji (ZRrE) kërkesa nga deputetët e Lidhjes Demokratike të Kosovës (LDK), e përkrahur edhe nga deputetë të tjerë, për të anuluar vendimin që parashikon rritjen e çmimit të energjisë elektrike dhe largimin e afro 1300 bizneseve nga tregu i rregulluar.
Kërkesa është dorëzuar nga Nënkryetarja e LDK-së, Hykmete Bajrami, dhe anëtari i Kryesisë, Visar Azemi.
Ajo është nënshkruar nga 30 deputetë që kërkojnë që ZRrE të rikonsiderojë vendimin, duke theksuar se në mungesë të një tregu funksional dhe konkurrues, ky veprim do të ketë pasoja serioze për ekonominë e vendit.
“Çdo tentim për të larguar bizneset nga tregu i rregulluar në këtë fazë përbën shkelje të interesit publik”, thuhet në arsyetimin e deputetëve, të cilët konsiderojnë se ky vendim vë në rrezik stabilitetin ekonomik dhe rëndon edhe më tej qytetarët.
