Shpallet në kërkim i dyshuari për tentim vrasje

Policia Rajonale e Pejës ka kërkuar ndihmë nga qytetarët për të lokalizuar, Kujtim (Selim) Alimusajn, i cili kërkohet për veprën penale “vrasje e mbetur në tentativë”.

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Kujtim Alimusaj kërkohet për tentim vrasjen e Xh.I., në Strellc të Deçanit.

Përleshjen verbale e nisën në një lokal, por që nuk e përfunduan aty.

Pasi që me të dalë nga kafiteria, qërimin e hesapeve e vazhduan në Sheshin Ismet Ukaj, ku edhe u bënë për mjek.

Në ç’rast i dyshari me inicialet K.A goditi me makinë të përfshirin tjeter në konflikt përsonin me inicialet Q.I, derisa fatin e keq për tu shtypur nga vetura e pati edhe dëshmitari Xh.Z i cili mëngjesin e 7 majit kur kishte eskaluar situata pati qëlluar në po të njejtën kafene.

Kjo vrasje në tentativë i ngriti në këmbë organet e rendit për çka dolën menjëherë në vend të ngjarjes.

Vërejtje:
Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata.