Ky është favoriti kryesor për ta fituar Topin e Artë
Gara për fituesin e Topit të Artë po bëhet më interesante çdo ditë e më shumë.
Para disa javësh, Raphinha ishte favoriti kryesor për ta fituar Topin e Artë, por gjërat kanë ndryshuar.
Performancat e jashtëzakonshme të Lamine Yamal ndaj Interit në Champions dhe ndaj Realit në La Liga, kanë vendosur 17 vjeçarin si kandidatin kryesor për ta fituar Topin e Artë.
Në vendin e dytë është lojtari i Parisit, Ousmane Dembele, i cili tashmë është në finale të Ligës së Kampionëve, ku do të përballet me Interin.
Vetëm ndonjë performancë fantastike e Dembeles në finale do t’ia siguronte atij Topin e Artë, përndryshe tashmë gjithë mediat po raportojnë që fituesi do të jetë Lamine Yamal.
