Paratë false telashe në Kosovë, zbulohet edhe një rast

Trendi i parave të falsifikuara po vazhdon të ‘lulëzojë’ në Kosovë, ku qindra e mijëra euro fals vihen përditë në treg. Rastet e tilla raportohen kryesisht nga zyrtarët e bankave në vend, raporton Gazeta Sinjali.

Gazeta Sinjali mëson se një rast i falsifikimit të parasë është zbuluar në qytetin e Prizrenit, duke ngritur shqetësime mbi qarkullimin e valutave të dyshimta në treg.

Sipas informacioneve zyrtare, të cilat i ka siguruar Gazeta Sinjali, nga data 01.03.2025 deri më 07.05.2025, në rrugën “Ekrem Rexha”, një punonjës i bankës ProCredit Bank, shtetas i Kosovës, ka paraqitur në Stacionin Policor prova konkrete për rastin në fjalë.

Ai ka sjellë me vete kartëmonedha dhe monedha të dyshuara si të falsifikuara, të cilat janë zbuluar përmes aparaturës së detektimit të valutës së falsifikuar në degën e bankës ku punon.

Sasia e përgjithshme e parave të dyshuara është 511 euro, e përbërë nga: 3 kartëmonedha nga 100 euro, 4 kartëmonedha nga 50 euro, 1 kartëmonedhë nga 5 euro, 1 monedhë prej 2 euro dhe 4  monedha prej 1 euro

I dyshuari i këtij rasti ende nuk është identifikuar dhe mbetet në kërkim nga autoritetet.

Rasti është cilësuar si “Falsifikim i parasë”, dhe po hetohet nga njësitë përkatëse.