Shefja e shtetit: S’ka zgjedhje pa u konstituuar kuvendi

Shefja e shtetit, Vjosa Osmani ka thënë se Kosova nuk mund të shkojë në zgjedhje pa u konstituuar Kuvendi.

Ajo para mediave tha së zgjedhje mund të ketë vetëm në disa raste.

“Nëse 2/3 vendosin për shpërndarje të Kuvendit, dështimi në zgjedhjen e qeverisë dhe nëse ka votë mosbesimi, për momentin pa konstituuim të kuvendit nuk mund të shkohet nga asnjëra nga këto”, tha ajo, njofton Klankosova.tv.

“Edhe nëse partitë pajtohen për zgjedhje, fillimisht duhet të konstituohet Kuvendi i Kosovës, pastaj unë e caktoj datën e zgjedhjeve”, deklaroi më tej Osmani.

Ndër të tjera, presidentja tha se tymi i bardhë do të dalë vetëm atëherë kur bëhet konstituimi.

“Pavarësisht dallimit në qëndrime, diskutimi ka qenë me respekt dhe konstruktiv, ndoshta për shkak të përvojës së gjatë që kam, kam parë lloj lloj takimesh në atmosfera të tensionuara, ky nuk ka qënë i tillë, ka qenë takim konstruktiv. Nuk ka pajtim final, por vullnet ka tek të gjithë liderët për të gjetur zgjidhje dhe për të dëgjuar edhe ide”.