Vdes një person, dyshohet se u hodh nga kati i tretë i spitalit
Një ngjarje tronditëse ka ndodhur mbrëmë në Spitalin Rajonal në veri të Mitrovicës, rreth orës 23:15, ku një pacient ka humbur jetën në rrethana të dyshimta. Dyshohet se ai është hedhur nga kati i tretë i ndërtesës së spitalit.
Lajmin për Mitropol e ka konfirmuar zëvendësdrejtori i policisë për veriun, Veton Elshani.
”Rasti është duke u trajtuar si vdekje e dyshimtë, dyshohet se është hedhur nga kati i tretë i ndërtesës së spitalit”, tha Elshani.
Ai shtoi se mjekët e pranishëm kanë konstatuar vdekjen e pacientit menjëherë në vendin e ngjarjes.
“Trupi i pajetë është dërgu në Institutin e Mjekësisë Ligjore për obduksion”, theksoi Elshani.
Hetimet janë në zhvillim, ndërsa ky rast ka lënë pas shumë shqetësim tek qytetarët./Mitropol/
