Vetura përfundon jashtë rrugës

Një aksident trafiku ka ndodhur sot në fshatin Dollc të komunës së Klinës, ku një veturë ka humbur kontrollin dhe ka përfunduar jashtë rrugës, raporton Gazeta Sinjali.

Në vendin e ngjarjes kanë dalë njësitet policore, të cilat kanë nisur hetimet për të sqaruar rrethanat e këtij aksidenti.

Për shkak të pozitës së veturës, është angazhuar edhe një kamion autobartës për ta tërhequr mjetin nga vendi ku kishte rënë.

Gazeta Sinjali ka kontaktuar me Policinë e Kosovës për të marrë më shumë detaje rreth rastit dhe është në pritje të përgjigjes.