Pensionohet zyrtari komunal Rafet Hasani

Sot është pensionuar zyrtari komunal, Rafet Hasani. Ai për shumë vjet ka punuar në Drejtorinë e Administratës në Podujevë.

Në këtë ceremoni të organizuar në ambientet e Komunës morën pjesë Kryetari i Komunës, Shpejtim Bulliqi, Nënkryetarja, Marigona Lahu, Drejtoresha e Administratës, Valbona Ibishi-Azemi dhe zyrtarë tjerë komunalë.

Kryetari Shpejtim Bulliqi e falënderoi zyrtarin Hasani për kontributin e dhënë ndër vite për qytetarët dhe institucionin e Komunës së Podujevës.

Në shenjë respekti për punën dhe përkushtimin e tij, Kryetari i ndau një mirënjohje z.Hasani dhe i dha një dhuratë simbolike.