Agusholli për ndalimin në Serbi: S’pati dhunë fizike por tension të panevojshëm

Ish-deputeti i Vetëvendosjes Gramos Agusholli, u ndalua në Serbi tek sa po shkonte në Slloveni.

Ai për reporterin ka treguar se aty e mbajtën tri orë, tek sa ka thënë se nuk ka pasur dhunë fizike, por që ka pasur tensione të panevojshme dhe pyetje të motivuara politikisht.

“Nuk ka pasur dhunë fizike, por trajtimi ka qenë aspak korrekt. Qasja e tyre ka qenë nënçmuese, me tension të panevojshëm dhe pyetje të motivuara politikisht.

Në asnjë moment nuk jam ndjerë i trajtuar si qytetar që po kalon një kufi për arsye familjare – më shumë ngjante me një tentim për frikësim apo provokim të qëllimshëm”, ka deklaruar Agusholli për Reporteri.net.