Barça vjen në Kosovë – Hapet edicioni i Barça Camp në Prishtinë

Në Prishtinë edhe zyrtarisht është hapur edicioni i Barça Academy Camp.

Më poshtë postimi i Përparim Ramës:

Me shumë gëzim e krenari hapëm zyrtarisht edicionin e radhës të Barça Academy Camp në Kryeqytet!

Një ngjarje që sjell më shumë se futboll – sjell filozofinë, vlerat dhe metodologjinë e njërit prej klubeve më të mëdha në botë: FC Barcelona.

Për fëmijët tanë, ky kamp është një përvojë e paharrueshme: me trajnerë të licencuar nga Barça, 5 ditë stërvitje intensive, taktika, lojëra dhe mbi të gjitha – vlera si respekti, përkushtimi dhe puna në ekip.

Faleminderit Barça Academy, partnerëve dhe të gjithë prindërve që na besuan.

Suksese fëmijëve – jetoni çdo moment me pasion dhe ëndrra juaj mund të fillojë pikërisht këtu!