Kryetari Bulliqi pret në takim nënkolonel Evan Hessel, Zëvendëskomandant i Komandës Rajonale – Lindje të KFOR-it

Kryetari i Komunës, Shpejtim Bulliqi, ka pritur sot në takim Nënkolonel Evan Hessel, Zëvendëskomandant i Komandës Rajonale – Lindje të KFOR-it.

Gjatë këtij takimi, Kryetari Bulliqi shprehu gatishmërinë për bashkëpunim të ngushtë me misionin e KFOR-it, me qëllim të forcimit të sigurisë publike në Podujevë.

Në bisedë u trajtuan çështje të rëndësishme që lidhen me gjendjen e sigurisë në territorin e Podujevës, si dhe u diskutuan projektet e shumta zhvillimore që po realizohen nga komuna, të cilat po ndikojnë në transformimin e infrastrukturës dhe përmirësimin e jetës së qytetarëve.

Të dy palët shprehën vullnetin për të thelluar bashkëpunimin institucional në funksion të paqes, stabilitetit dhe përkrahjes për komunitetin lokal.