14-vjeçari i raportuar i zhdukur gjendet pas disa ditësh – kishte qëndruar me shokë në Prishtinë

Një rast i zhdukjes së një të mituri që kishte shqetësuar familjen është zgjidhur pa pasoja tragjike, raporton Gazeta Sinjali.

Burime të Sinjalit bëjnë me dije se O.S., një 14-vjeçar nga Fushë Kosova, i raportuar si person i zhdukur që nga data 20 maj 2025, është paraqitur së bashku me babain e tij në Stacionin Policor në Fushë Kosovë më 29 maj.

Sipas dëshmisë së babait, Arsim Sahiti, 44 vjeçar, djali ishte larguar nga banesa ndërsa ndodhej në përkujdesjen e nënës së tij dhe nuk ishte kthyer më. Familja nuk kishte as fotografi për ta ndihmuar identifikimin dhe as mundësi kontakti telefonik.

Pas më shumë se një jave në kërkim, djali është gjetur dhe është deklaruar se kishte qëndruar me disa shokë në Prishtinë. Ai ndodhet në gjendje të mirë shëndetësore.