Aksident i rëndë – Një person në gjendje të rëndë

Një aksident i rëndë komunikacioni ka ndodhur pasditen e 31 majit 2025 në rrugën “Besim Shala” në Grazhdanik të Komunës së Prizrenit, ku një motoçiklist ka pësuar lëndime të rënda trupore dhe është në rrezik për jetë.

Sipas informacioneve që ka siguruarSinjali, deri te aksidenti ka ardhur kur vozitësi i një veture të tipit VW Golf, G. Shala, 17 vjeçar po qarkullonte në drejtim të fshatit Grazhdanik. Në momentin kur arriti afër kryqëzimit me rrugën “Xholi i Sherifit” (rruga që lidh fshatin Atmaxhë), u përplas me një motoçiklist që po vinte nga ajo rrugë pa targa dhe po hynte në rrugën kryesore.

Përplasja ka qenë e fuqishme – pjesa e përparme e veturës ka goditur motoçikletën, duke shkaktuar dëme të mëdha materiale dhe lëndime serioze.

Si pasojë e aksidentit, motoçiklisti K.K, 30 vjeçar është dërguar me urgjencë në QKUK në Prishtinë, ku ndodhet në gjendje kritike për jetë. Edhe pasagjeri në veturë ka marrë lëndime trupore.