Ky është njëri nga të aksidentuarit

Gazeta Sinjali ka raportuar pak më parë për një aksident në në rrugën “Besim Shala” në Grazhdanik të Komunës së Prizrenit, ku një motoçiklist ka pësuar lëndime të rënda trupore dhe është në rrezik për jetë.

Sinjali ka mësuar se njëri nga të aksidentuar dhe që është në në rrezik për jetë është Kushtrim Krasniqi, 30 vjeçar.

Sipas informacioneve që ka siguruar Sinjali, deri te aksidenti ka ardhur kur vozitësi i një veture të tipit VË Golf, G. Shala, 17 vjeçar, po qarkullonte në drejtim të fshatit Grazhdanik. Në momentin kur arriti afër kryqëzimit me rrugën “Xholi i Sherifit” (rruga që lidh fshatin Atmaxhë), u përplas me një motoçiklist që po vinte nga ajo rrugë pa targa dhe po hynte në rrugën kryesore.

Përplasja ka qenë e fuqishme – pjesa e përparme e veturës ka goditur motoçikletën, duke shkaktuar dëme të mëdha materiale dhe lëndime serioze.

Dhe si pasojë e kësaj, motoçiklisti Krasniqi është dërguar me urgjencë në QKUK në Prishtinë, ku ndodhet në gjendje kritike për jetë. Edhe pasagjeri në veturë ka marrë lëndime trupore.

Rasti është duke u hetuar nga organet kompetente.